Categories

Аксыда он жылдан бери чырак менен күн кечирген айыл (видео)

Он жылдан бери  жарыгы жок, чырак менен жашаган айылды көргөнсүзбү? Азыркы технология өнүгүп, өлкөбүз санариптештирүүгө карай багыт алган заманда кантип эле электр жарыгы жок айыл болушу мүмкүн дейт чыгаарсыз. Бирок, илгеркидей чырак тамызып күн кечирген элеттиктер да бар. Дал ошондой айылдардын бири Аксы районуна караштуу Авлетим айыл аймагындагы Товар участогу. Бул жерде учурда 10дой үй-бүлө жашайт.

Аталган айылдын тургундары алакан жайып отура бергенден тажап, “Бала ыйлабаса эмчек кайда”  дегендей  жакшы үмүт менен кайрылуу жасаган видеосу интернетке жарыяланды.

Тасмадан андагы жашоочулардын 10 жылдан бери жашап, бирок ошондон бери өкмөт тарабынан эч кандай иш-аракет жасалбай жаткандыгын айтканын көрүүгө болот. Участоктун айрым тургундары үйлөрүн кулпулап кетип, айыл арасында батирлеп жашап, азыр 10 түтүн калган. Алардын балдары жарыксыз айылдан мектепке келүү үчүн кеминде 7 км жөө басууга аргасыз.

Биз Авлетим айыл аймагынын башчысы Нурмырза Абдырамановго кайрылып, жогорудагы маселе боюнча пикирин билдик.

“Ал жер негизи Авлетим айыл аймагындагы Товар-Сай айылына караган участок. Мурда бөлүштүрүлүп берилип, кээ бирлер менчиктеп алып, элдер отурукташып калган. Биз учурда документтерди даярдап облустагы тийиштүү жерлерге жөнөткөнү жатабыз. Конуш статусуна ээ болгондон кийин электр жарыгы сыяктуу маселелерди чечүүгө бел байлайбыз”, – дейт Абдыраманов.

Өлкө башчы Сооронбай Жээнбеков үстүбүздөгү жылды “Региондорду өнүктүрүү жана өлкөнү санариптештирүү жылы” деп жарыялады. Бул жылы Товарлыктардын да тилеги орундалып, чырактын ордун электр жарыгы ээлечү күн да  алыс эмес чыгар.

 
Categories

Премьер-министр М. Абылгазиев Алматы шаарына барат

Премьер-министр Мухаммедкалый Абылгазиев 1-февралда Алматы шаарында өтө турган Евразия өкмөттөр аралык кеңешинин (ЕӨАК) кезектеги жыйынына катышат.

Жыйындын жүрүшүндө интеграциялык биримдиктин өлкөлөрүнүн кызматташтыгынын актуалдуу маселелери, анын ичинде Биримдиктин күн тартибиндеги санариптик долбоорлорду ишке ашыруу механизмдери, ЕАЭБ мүчө-мамлекеттеринин өз ара соода абалы, алардын экономикалык өнүгүүсүн камсыздоо чаралары жана башка маселелер талкууланат.

Мындан тышкары ЕӨАК кезектеги жыйынына катышуунун алкагында Өкмөт башчы «Глобалдаштыруу доорундагы санариптик күн тартиби 2.0» Форумунун ишине катышмакчы.

 
Categories

Ажыларды Меккеге «Flaynas» авиакомпаниясы ташыйт.

Кыргызстан Мусулмандарынын Дин Башкармалыгынын жыйындар залында 2019-жылдагы ажыларды ташуучу тараптар ортосунда сынак өтүп, ага Сауд Араб Падышачылыгынын жарандык «Flaynas» авиакомпаниясы гана катышты. Конкурска Кыргызстан Мусулмандарынын Азирети Муфтийинин орун басары, 2019-жылдагы ажылыкты уюштуруу боюнча убактылуу республикалык штабдын жетекчиси Замир каары Ракиев, КРдин жарандык авиациясынын жана убактылуу республикалык штабдын өкүлдөрү катышты. Бул тууралуу муфтияттын маалымат кызматы билдирди.

Конкурс  алкагында «Flaynas» авиакомпаниясы талаптарда көрсөтүлгөн тиешелүү документтерин сунуштап, эки тараптуу талкуунун жүргүзүшүндө тараптар кыргызстандык ажыларды ташуунун наркын 1550 АКШ доллар бойдон калтырышты.

«Flaynas» авиакомпаниясынын Кыргызстандагы өкүлү Таалайбек Окенов: «300 орунду Boeing 767–300 учагы алгач Сауд Араб Падышалыгынан Кыргызстанга бош учуп келет дагы 300 ажыны Мекке шаарына алып барат. Ажылык сапары бүткөндөн кийин Сауд Араб Падышалыгынан 300 ажыны Кыргызстанга алып келет дагы бош учуп кетет. Бул түз чартердик рейс болгондуктан 4 рейстин 2 рейси бош учуп келүүгө туура келет. Ошондуктан бул коюлган баанын ичинде барып-келүү чыгымдары жана төлөмдөрдүн бардыгы кошо эсептелинген»,-деди

Конкурстун жыйынтыгында 2019-жылдагы убактылуу республикалык штабдын өкүлдөрү бир добуштан ажыларды ташууда кызмат көрсөтүү үчүн «Flaynas» авиакомпаниясын тандап алышты.

Эскерте кетсек, 2018-жылы дагы авиабилеттин наркы 1550 АКШ доллар болгон.

 
Categories

Өлкөбүздүн аймагында 1-5-февралдагы аба-ырайы

1-февралда көпчүлүк аймактарда жаан, кар, тоо этектеринде жана тоолуу райондордо кар жаашы күтүлөт. Чүй, Ош, Жалал-Абад, Баткен облустарынын тоо этектеринде жана тоолуу райондорунда жана Ысык-Көл облусунун чыгышында жаан-чачын катуу жаашы күтүлөт. Мындай маалыматты ӨКМнин басма сөз кызматы билдирди.

Жолдор тоңголок жана тайгак болот. Тоолуу райондордо кар күрткүсү күтүлөт. Батыштан соккон шамалдын ылдамдыгы секундасына 5-10 метрден, Ысык-Көл, Нарын облустарында 15-20 метрге жетиши күтүлөт.

2-февралда түнкүсүн Ош облусунун тоолуу райондорунда, Ысык-Көл облусунун чыгышында, Нарын облусунун кээ бир райондорунда кар жаашы күтүлөт, калган аймактарда жаан-чачын күтүлбөйт.

2-февралда күндүз жана 3-февралда түнкүсүн  жаан-чачын күтүлбөйт.

3-февралда күндүз Ош, Жалал-Абад облусунун тоолуу райондорунда бир аз кар жаашы күтүлөт, калган аймактарда жаан-чачын күтүлбөйт. Чүй, Талас, Баткен, Ош, Жалал-Абад облустарынын айрым жерлеринде туман түшүшү күтүлөт.

4-февралда түнкүсүн жаан-чачын күтүлбөйт, күндүз Чүй, Талас, Ош, Жалал-Абад жана Баткен облустарынын кээ бир райондорунда жаан, кар, тоо этектеринде жана тоолуу райондорунда кар жаашы күтүлөт. Ысык-Көл жана Нарын облустарында жаан-чачын күтүлбөйт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге чейин жетет.

5-февралда көпчүлүк аймактарда мезгил-мезгили менен кар жаап, Ош, Жалал-Абад, Баткен облустарынын өрөөндөрүндө жаан карга айланышы күтүлөт. Чүй, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан-чачын катуу жаашы күтүлөт. Жолдор тайгак жана тоңголок болот. Тоолуу райондордо кар күрткүсү күтүлөт. Батыштан соккон шамалдын ылдамдыгы секундасына 4-9 метрден, Чүй, Талас, Ысык-Көл, Нарын облустарында 17-22 метрге жетиши күтүлөт.

6-7-февралда Кыргыз Республикасынын аймагында күтүлгөн аба-ырайынын жакындатылган болжолдоосу

6-февралда көпчүлүк аймактарда, 7-февралда кээ бир райондордо кар жаашы күтүлөт. Абанын температурасы төмөндөйт.

1-3-февралда  Бишкек шаарында күтүлгөн аба-ырайы

1-февралда мезгил-мезгили менен кар жаашы күтүлөт. Батыштан соккон шамалдын ылдамдыгы  секундасына 4-9 метрге чейин жетет.

2-3-февралда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

 1-3-февралда  Ош шаарында күтүлгөн аба-ырайы

1-февралда мезгил-мезгили менен жаан, кар жаашы күтүлөт.  Батыштан соккон шамалдын ылдамдыгы секундасына 4-9 метрге чейин жетет.

2-3-февралда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

 
Categories

Райымбек Матраимовдун мүлкү текшерилип баштады

Акыркы күндөрү Райымбек Матраимов боюнча чуу басаңдабай келет. Анын ачык, төгүнүнө чыгуу максатындабы айтор,  Экономикалык кылмыштуулукка каршы күрөш боюнча мамлекеттик кызмат Р. Матраимовдун мүлкүн текшерүүгө алышкандыгы тууралуу маалымат таратты.

Эске сала кетсек, жакында эле Бажы кызматынын төрагасы Оңолбеков маалымат жыйында Р. Матраимовду сот жактаган чечим чыгарса, аны аткаруу керектигине токтолгон. Ал эми өткөн жылдын аягында президент Жээнбеков  Р. Матраимовдун мүлкүн текшерүү керектигин айткан.

Райымбек Матраимов кызматтан бошотулгандан бери мыйзамсыз алынгандыгы тууралуу соттошуп келет.

 
Categories

А. Иманкулов президент экөөсү эмнеге күлгөнүн айтты

Куудул Абдылда Иманкулов жакында Кыргыз Республикасынын Эмгек сиңирген артисти наамын алды.  Бул тууралуу Кабарлар.KG маалымат булагына айтып берди.

А. Иманкулов: “Сыйлык алганымдын таржы-макалы мындай. Көпчүлүктөр билген, уккан жок элем. Машинада кетип жаткам жана башка тиги, бу дегендей. Көрсө анын баары калп экен. Ошондо билдим. Себеби, сыйлыктарды алыш үчүн документтерди чогултуп бермейинче берилбейт экен.

Декабрдын ондорунда мага телефон чалышты. Тез арада документиңди тапшыр, президенттин тапшырмасы –дешти. Анан дагы он күндөй кармап жүрүп, анан тапшырдым.

31 – декабрда Ошто элем. Эрте менен саат 11 де Токтогулдан чалышып, сыйлык алганымды айтышты. Маалымат каражаттарына чыгыптыр. Береби, бербейби? -деп, жүргөм.

-Кыргыз Республикасынын Эмгек сиңирген артисти наамын алып жатканда өлкө башчысы кулагыңызга  шыбырап күлдүңүздөр. Табышмак болбосо эмне деп, айтты эле?

– Президент күлдү, мен да күлдүм. Ал жерде отургандарга билинбей калды. Үн күчөткүч алысыраак болуп. Себеби, биз бир интермедия ойногонбуз. Мен бир шляпа, плащ  кийип, ГАИ Кара – Кулжалыкмын десе “садага болоюн”- деп, жиберем. Ага чейин ГАИни абдан кыйнайм…

Маалымат каражаттары ошол эле жерин кесип көргөзүп жатышпайбы?

Президент да көрөт окшойт.чыгып келе жатсам,  “Оо садага болоюн, Токтогулдук кел эми”- деп, жатпайбы. Ошого күлдүк. Президент бизди караганга убактысы болобу, болбойбу? – деп, анча-мынча коё берчүбүз. Көрсө көрөт экен. Мындан кийин сагыраак болобузго…

 
Categories

Депутат милиция элди коргобой эле кордоп жатканын айтты

Акыркы мезгилде милиция кызматкерлери катышкан кылмыштардын саны арбыды. Биздин милиция бизди коргойбу же кордойбу? Бул тууралуу бүгүн, 31-январь күнү депутат Сагындык Келдибаев Жогорку Кеӊештин кезектеги жыйынында Ички иштер министрлигинин жетекчилерине карата ушундай собол салды.

 “ Мурда милиция кызматкерлери жумушка кылдат текшерүүдөн өткөндөн кийин кабыл алынчу, азыр андай болбой калды. Ички иштер органдарында көчөдөн келген кызматкерлер көбөйүп кеткени көрүнүп турат. Милициянын аброю түшүп кетти. Менимче, ички иштер органдарына тереӊ реформаларды жүргүзүп, кызматкерлерди тандоо ишин жакшыртпаса болбойт. Эл ишенимине ээ болмоюнча милициянын кадыры өспөйт”, – деди эл өкүлү.

 

 

 

 
Categories

Медайымдын бейтапка жазган каты соцтармакты дуу кылды (сүрөт)

Кытайдагы клиникалардын биринде англис тилин билбеген медайымдын бейтапка калтырган каты көпчүлүктү таң калтырды. Бул тууралуу Reddit порталына таянып РИА Новости жазып чыкты.

Оорукана кызматкери кытай тилин билбеген  чет элдик  бейтапка жагдайды сүрөт менен түшүндүрүүгө аракет кылган.

Медайым оорулуу түнкү ондон кийин тамак жебей, суу ичпей тургандыгын, себеби эртеси саат 08:00дө операция болорун айткан.

Соцтармак колдонуучулардын бир тобунун бул жазууга күлкүсү келсе, кээ бирлеринин жини келген.

“Суу, тамак түгөндү, эртең саат сегизде сени жейбиз деп турат”, – деп жазгандар дагы жок эмес.

 

 
Categories

Нурмагомедов беттештерден тогуз айга четтетилди

UFCнин учурдагы чемпиону Хабиб Нурмагомедов Невада штатынын Атлетикалык комиссиясынын чечими менен беттештерден тогуз айга четтетилип, 500 миң доллар айып пул төлөөгө милдеттендирилди.

Буга мушкердин былтыр октябрда ирландиялык Конор Макгрегорго каршы беттешинен кийинки аракеттери себеп болгон.

Атлетикалык комиссиянын чечими менен Конор Макгрегор дагы алты айга беттештерден четтетилип, 50 миң доллар өлчөмүндө айып пул төлөө жоопкерчилиги жүктөлдү.

Эске салсак , өткөн жылдын октябрь айында эки мушкердин беттеши болуп, ал Хабибдин  жеңиши менен аяктаган. Таймаштын алдында Макгрегор менен Нурмагомедовдун ортосундагы мамиле кескин курчуп,  аягында жаңжал чыгып кеткен.

 

 
Categories

Алтынбек Сулайманов: «Көмүскө күчтөр эл арасын дүрбөткөндү токтотсун»

Бүгүн ЖКда депутаттар тарабынан ар кандай маселелер айтылды. Бул тууралуу ЖКнын маалымат кызматы билдирди.

Депутат Алтынбек Сулайманов: «Ушу тапта Конституцияны өзгөртүү жөнүндө сөз жүрүүдө. Анын артында кайсы бир күчтөр бар экени көрүнүп турат. Баш мыйзам 9 жолу өзгөртүлүптүр, дагы качанга чейин өзгөртө беребиз? Буга чейинки конституциялык өзгөртүүлөр ар дайым бир эле максатты – бийлик рычагын бекемдөөнү көздөп келген. Менимче, Конституцияны өзгөртүү туура эмес. Референдумда элибиз парламенттик башкаруу жолун колдогон, анын эркин сыйлашыбыз керек

Жогорку Кеӊештин 80 жылдык маарекесине арналган иш-чарада «легендарлуу парламенттин» спикери Медеткан Шеримкулов Конституция өзгөртүүлөрдү киргизүү эртелик кыларын айткан болчу, мен ага кошулам. Биз Баш мыйзамдын иштешин камсыз кылышыбыз керек. Ал эми көмүскө күчтөр эл арасын дүрбөткөндү токтотсун», – деди депутат.