Categories

Майрам күндөрү өлкөбүздүн аймагында күтүлгөн аба-ырайы

31-декабрда жана 1-2-январда  күтүлгөн аба-ырайы

31-декабрда түнкүсүн көпчүлүк аймактарында жаан, кар, тоо этектеринде жана тоолуу райондордо кар жаашы күтүлөт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, Чүй, Талас, Ысык-Көл облустарында 15-20 метрге жетиши күтүлөт.

31-декабрда күндүз Нарын облусунун кээ бир райондорунда жана Ысык-Көл облусунун чыгышында бир аз кар жаашы күтүлөт, калган аймактарда жаан-чачын күтүлбөйт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге чейин жетет.

1-январда жана 2-январда түнкүсүн жаан-чачын күтүлбөйт. 2-январда күндүз Чүй, Талас, Ош, Жалал-Абад, Баткен облустарынын көпчүлүк аймактарында жаан, кар, тоо этектеринде жана тоолуу райондордо кар жаашы күтүлөт. Ысык-Көл жана Нарын облустарын кээ бир райондорунда кар жаашы күтүлөт. Жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрге чейин жетет.

3-4-январда Кыргыз Республикасынын аймагында күтүлгөн аба-ырайынын жакындатылган болжолдоосу

3-январда түнкүсүн тоолуу райондордо кар жаашы күтүлөт, калган аймактарда жаан-чачын күтүлбөйт.  3-январда күндүз жана 4-январда түнкүсүн жаан-чачын күтүлбөйт. 4-январда күндүз мезгил-мезгили менен жаан, кар, тоо этектеринде жана тоолуу райондордо кар жаашы күтүлөт. Абанын температурасы бир аз өзгөрүлүп турат.

31-декабрда Бишкек шаарында күтүлгөн аба-ырайы

30-декабрда түнкүсүн жаан-чачын күтүлбөйт. Жолдор тайгак жана тоңголок болот. Түштүк-чыгыштан соккон шамалдын ылдамдыгы  секундасына 4-9 метрге чейин жетет.

31-декабрда күндүз жаан-чачын күтүлбөйт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге чейин жетет.

 31-декабрда Ош шаарында күтүлгөн аба-ырайы

31-декабрда түнкүсүн мезгил-мезгили менен жаан, кар жаашы күтүлөт. Күндүз жаан-чачын күтүлбөйт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге чейин жетет.

 
Categories

Бишкекте көчөлөргө убактылуу чектөө киргизилди

Кечээтен тарта милиция кызматкерлери күчөтүлгөн тартипте ишке киришти. Майрам күндөрү  негизги оюн- зооктор өтчү “Ала- Тоо”  аянтында эки миң милиция кызматкерлери тартипти камсыздашат.  Алар 7- апрелге чейин күчөтүлгөн тартипте иш алып барышат.

Ошондой эле бүгүн эрте менен баштап “Ала – Тоо” аянтына жакын көчөлөр авто унаалар үчүн жабылууда. Маселен, Чүй проспектисинен Эркиндик жана Панфилов көчөлөрүнө чейинки бөлүгү жабылды.

Ал эми  Абдумомунов көчөсүнүн Разаковдон Орозбеков көчөсүнө чейинки, Киев көчөсүнүн Эркиндик жана Панфиловго чейинки бөлүгүндө  кечки саат бештерден тартып авто унаа жүрүүгө тыюуу салынат.

“Ала – Тоо” аянтында концерттик программалар кечке жуук башталат.

 
Categories

Дастанбек Жумабеков жаңы жылга карата кат жазган жеткинчектин тилегин орундатты

Чүй облусунун Сокулук районуна караштуу Чоң-Жар айылындагы Нурлан Рахманов атындагы орто мектептин 2-классынын окуучусу Казыбаев Базысбек Жогорку Кеңештин Төрагасына кат жазып, өзүнө, эжесине жана бөбөгүнө майрамдык белек берүүсүн өтүнгөн. Кат менен таанышкан Жогорку Кеңештин Төрагасы Дастанбек Жумабеков Базысбектин тилегин орундатуу тапшырмасын берген эле. Бул тууралуу ЖКнын маалымат кызматьы билдирди.

Жогорку окуу жайлардын биринде мугалим болуп эмгектенген Талантбек Рыспаев майрамды утурлай уулунун катына жооп берген Төрагага ыраазычылык билдирип, анын баалуу белеги уулунун жакшы окуусуна түрткү болорун билдирди.

Талантбек Рыспаев: “ Уулума мектептен Аяз атага кат жазып кел деп тапшырма бериптир. Биз Аяз атага эмес, Жогорку Кеңештин Төргасына кат жазууну чечтик. Базысбек катты өзү жазды. Төрагага башка да балдар кат жазат болуш керек, бирок менин уулумдун катына жооп берип, катта жазылган өтүнүчүн орундатканы үчүн Төрага Дастанбек Жумабековго ыраазычылык билдирем”, – деди.

Спикердин колунан белек алып, кубанычы коюнуна батпай турган Базысбектин апасы Гүлзат Арыкова жети баланы тарбиялоодо. Төраганын белеги жогорку окуу жайларда окуган Базысбектин байкелери менен эжелеринин да окуусуна көмөкчү болорун белгиледи.

Гүлзат Арыкова: “Өзүм Баатыр энемин, жети балабыз бар, улуу балабыз 21 жашта, кичүүбүз 5 жашта. Төраганын бүгүнкү белеги биздин үй-бүлө үчүн өтө чоң кубаныч болду. Студент балдарым ноутбук алып бериңиздер дегенинен аны алып бере албай жүргөнбүз. Аны бүгүн минтип Төраганын колунан алып отурабыз. Жалгыз эле Базысбектин эмес, студент балдарымдын да окуусу жеңилдейт деген ойдомун”, – деди.

Белгилей кетсек, Жогорку Кеңештин Төрагасы Дастанбек Жумабеков кичинекей Базысбектин үй-бүлөсүнө ноутбук, уюлдук телефон жана чана белек кылды.

 
Categories

Бишкекте жаңы жылга карата 20 балаты орнотулду

Бишкек шаарында Ала-Тоо аянтында орнотулган башкы балатыдан тышкары, 20 балаты орнотулду. Бул тууралуу мэриянын маалымат кызматы билдирди.

Кыргыз улуттук филармониясынын алдында 18 метрлик балаты, Кыргыз академиалык опера жана балет театрында 10 метрлик балаты орнотулду. Биринчи май районунда Тоголок Молдо скверинде, Горький атындагы паркында, Баят базарында, Дэн Сяопин жана Садыгалиев көчөлөрүнүн кесилишинде жана Ак-Босого жаңы конушунда балаты орнотулуп, кооздолду.

Октябрь районунда шаар тургундары жана коноктору үчүн Д.Асанов атындагы Жеңиш паркындагы 8 метрлик балаты жаңы жылдык маанай тартуулоодо. Ошондой эле, 24-март скверинде, Тунгуч кичи районунда, “Көк-Жар”, “Алтын-Ордо”, “Кара-Жыгач” жана “Рухий -Мурас” жаңы конуштарында балатылар орнотулду.

Ленин районунда “Жал” кичи районунда, Фучик жана Чүй көчөлөрүнүн кесилишинде, Жаш Гвардия бульварында райондун башкы балатылары орнотулуп, шаардыктарга жаңы жылдык маанай берүүдө.

Свердлов районунун аймагында 6 жаңы жылдык балаты орнотулуп, кооздолду. Райондук администрациянын алдына 15 метрлик балаты, Абдрахманов жана Токтогул көчөлөрүнүн кесилишине 6 метрлик, №38 мектеп-гимназиясынын алдына,  М.Жангазиев атындагы куурчак театрынын алдына жана Эне-Сай жаңы конушуна 5 метрлик 3 жасалма балаты орнотулган.

 
Categories

Бишкек шаардык соту Матраимовду кызматына кайтарды

Бажы кызматынын төргасынын мурдагы орун басары Райымбек Матраимовду Бишкек шаардык соту кызматына кайтарды. Бул тууралуу Жогорку соттон билдирди.

Эске салсак, үстүбүздөгү жылдын 25-июлунда Биринчи май райондук соту Матраимовдун кызматтан мыйзамсыз алынган деген доосун карап, аны канааттандырган болчу. Бирок өкмөт соттун чечимине нааразы болуп шаардык сотко даттанган. Азырынча өкмөт кайра Жогорку сотко даттанар-даттанбасы белгисиз.

 
Categories

Президент Сооронбай Жээнбеков Казакстандын Президенти Н. Назарбаев менен телефон аркылуу сүйлөштү

Президент Сооронбая Жээнбеков бүгүн, 2018-жылдын 28-декабрында,  Казакстан Республикасынын Президенти Нурсултан Назарбаев менен телефон аркылуу сүйлөштү. Бул тууралуу президенттик аппараттын маалымат кызматы билдирди.

Сүйлөшүүнүн жүрүшүндө Кыргыз Республикасынын Президенти Казакстан Президентин жана боордош Казакстан элин келе жаткан Жаңы 2019-жыл менен куттуктап, гүлдөп өнүгүү жана бакубатчылык каалады.

Мамлекеттердин башчылары быйыл кыргыз-казак кызматташтыгынын динамикалуу өнүгүп жатканын канааттануу менен белгилешти.

 
Categories

Сүйүнчү пулду эми эки күндө алууга шарт түзүлөт

Келээрки жылдын март айынан баштап  балага сүйүнчү  пул эки күндүн ичинде  бериле баштайт. Бул тууралуу эмгек жана социалдык өнүктүрүү министрлигинен кабарлады.

Марттан тартып, балага сүйүнчү алыш үчүн ата-энесинин паспорту, баланын күбөлүгү жана банктык карточканын реквизиттери талап кылынат.  Электрондук арыз толтуруп аны онлайн түрүндө көрсөтүлгөн дарекке  жөнөтөт. Эки күндөн кийин жаран көрсөткөн банкка паспорту менен гана барып, балага сүйүнчү акчаны алып кете алат. Арызга өзүнө жакын, ыңгайлуу банкты көрсөтсө болот.

Учурда бул ыкма Бишкектин Свердлов районунда жана Чүй облусунун Сокулук районунда сынамык иретинде иштелип жатканын министрликтен билдирди.

 
Categories

Адамкул Жунусовду Бакудан Кыргызстанга алып келишти

Коррупцияга шектелип, издөө жарыяланган Бажы кызматынын мурдагы төрагасы Адамкул Жунусов Баку шаарынан Кыргызстанга алынып келинди. Аны Финполициянын кызматкерлери алып келгендигин аталган мекеменин маалымат кызматы билдирди.

Эске сала кетсек, А. Жунусов 4-декабрда Баку шаарында кармалган. Ал кызматтык абалынан кыянаттык менен пайдаланган жана мамлекетке ири өлчөмдо зыян келтирген деп айыпталууда.

 
Categories

65 жаштагы аял көз жарып, экинчи ирет эне болду

Индияда 65 жаштагы аял көз жарып, экинчи ирет эне болду.

Daily Mail басылмасынын маалыматы боюнча, наристенин атасы 80 жашта.

Жолдошу кыздуу болгонуна кубанганы менен ,үй-бүлөсүн кантип багамын деп баш катырып жаткан чагы экен.

Жубайлардын 8 жаштагы уулу дагы бар.  Аял баласын табигый жол менен көз жарган дүйнөдөгү эн кары эне аталды.

Учурда эне-баланын абалы жакшы.

 

Her 80-year-old husband thanks Allah for their 'precious gift'

Опубликовано Daily Mail Среда, 26 декабря 2018 г.

 

 
Categories

Кар көчкү астында калган бала куткарылды

Францияда кар көчкүнүн астында калган он эки жашар баланы издөө 1 саатка созулган, деп жазды чет элдик басылмалар.

Маалыматта айтылгандай, бир саат бою кар астында жаткан баланы Жетро деген ити менен Рафаэль аттуу сержант таап чыккан. Он беш мүнөттөн кийин адамды тирүү табуу таң калыштуу окуя экендигин анын кесиптештери айтышкан.

Аталган окуя барууга тыюу салынган жерде болгон . Бир нече өспүрүм балдар Ляплань бекетиндеги чана тебүүгө кооптуу деген аймакка чыгып кетишкен. Ошол себептүү да баланы издөө көпкө созулган.

Бельгиялык овчарка Жетро алгачкы жолу адам куткаргандыгы үчүн ээси экөө сыйлык алуусу мүмкүн.